Анкарада Ордо оюну боюнча мелдеш өткөрүүгө карата иш-чара өттү

Анкарада Ордо оюну боюнча мелдеш өткөрүүгө карата иш-чара өттү

Кыргыз Түрктөрүнүн маданият жана тилектештик биримдиги тарабынан 2021-жылдын 25-26-сентябрында Кыргызстандын Түркиядагы ардактуу консулу, маркум доктор Мустафа Куртка арналган «Ордо оюну боюнча мелдеш» өткөрүлөт.

ОРДО ОЮНУ БОЮНЧА МЕЛДЕШ ӨТКӨРҮҮГӨ ДАЯРДЫК ИШ-ЧАРАСЫ

Кыргыз Түрктөрүнүн маданият жана тилектештик биримдиги тарабынан 2021-жылдын 25-26-сентябрында Кыргызстандын Түркиядагы ардактуу консулу, маркум доктор Мустафа Куртка арналган «Ордо оюну боюнча мелдеш» өткөрүлөт.

Ордо оюну боюнча мелдеш өткөрүүгө даярдык иш-чарасында Анкаранын Гөлбашы муниципалитетинин үстү жабык базар аймагында маанилүү компаниялар тарабынан даярдалган командалык футболкалар таанытылып, алгачкы чүкө атуулар оюн аянтында көрсөтүлдү.

Программага Гөлбашы муниципалитетинин вице -мэри Огуз Каган Танрыверди, муниципалдык кеңештин Улуттук кыймыл партиясынан мүчөсү Саваш Мулазымоглу, Улуттук кыймыл партиясынын Гөлбашы районунун башчысы Сердар Текин, Кыргызстандын ардактуу консулу, маркум доктор Мустафа Курттун уулу, Башкент платформасы Эл аралык жарандык демилге гезити концессиясынын ээси, ишкер Атиллахан Курт жана Курт үй -бүлөсү , Крым татарлар ассоциациясынын төрагасы Тунжай Калкай, Парк Эймир груптун башкы директору Шахин Алтуг, демөөрчүлөрдүн бири «Анадолу лайф» журналынын атынан Али Пекташ, Икилер Отомотивдин атынан Мехмет Актай, Санлифт лифт акционердик коомунун башкы менеджери Үмит Багжы, Ала- Too ресторан операцияларынын менеджери Элдар Орозалиев, Гөлбашыда жашаган кыргыз түрктөрү жана атайын коноктор катышты.

Программа Кыргызстандын ардактуу консулу, маркум доктор Мустафа Курттун жаркын элесин эскерүү, Улуттук Гимндин ойнолушу жана Биримдиктин төрага орун басары Мошал Гүвендин куттуктоо сөзү менен башталды.

Биздин кымбаттуу коноктор …

Өткөн айларда мезгилсиз дүйнөдөн кайткан, Түрк дүйнөсүн сүйгөн Кыргызстандын ардактуу консулу, өмүрүн ушул идеалга арнаган маркум доктор Мустафа Курт аксакалга арналган 2021-жылдын 25-26-сентябрында уюштура турган Ордо оюну (Ашык атмак) боюнча мелдешти жана бул мелдеште кийиле турган биздин баалуу компаниялар чыгарган формаларды таанытуу иш-чарасына кайра кош келдиңиздер! Урматтуу коноктор, мен сиздерге Ордо оюну жөнүндө кыскача маалымат берейин. Ордо оюну 7 же 8 м2 жер үстүндө тегерек түрүндө сызык чийилет, бул тегеректин ортосунда чүкөлөргө ылайыкташтырылган кичинекей оюк казылып, бардык оюнчулардын чүкөлөрү ошол оюкка салынат. Оюнчу чоң томпой менен чуңкурдагы чүкөлөрдү чийинден чыгаруу үчүн бир эле жолу атат. Эгер чүкөлөрдү чийинден чыгара алса, ал дагы бир жолу атат. Ордо оюну; Бул жеке жана командалык, анын ичинде абдан жөнөкөй эрежелер менен, ар кандай түрдө ойноло турган оюн. Бул оюн биздин байыркы маданиятыбызда жүздөгөн жылдар бою спорт жана билим берүү максатында ойнолуп келген. Учурда бул оюн Кыргызстанда, Казакстанда, Өзбекстанда, Ооганстанда ойнолууда. Түркияда унутулганына карабай, биздин Анадолунун кээ бир жерлеринде бир аз ойнолоорун билебиз. Тамыры терең тарыхка ээ болгон ордо оюну мискет оюнунун атасы катары да белгилүү. Улуу жандуу эпос болгон «Манас» эпосунда, «Деде Коркуттун окуяларында», бүгүнкү күнгө чейин сакталып калган китептерде, мисалы, «Лугаты түрк» китебинде Ордо оюну орун алат. Акыркы жылдары этноспорт фестивалында жана ушул сыяктуу фестивалдарда Ордо оюну ойнолуп келет. Биздин жупуну тилегибиз — Ордо Оюну кайрадан ойнолуп, жаңы муундарга өткөрүлүп берилип, мектептерде окутулуп жана ойнотулсун. Кыргыз түрктөрүнүн маданияты жана ынтымагы биримдиги катары, урматтуу досторубуздун колдоосу менен, эгерде өзгөчө чегинүү болбосо 25-26-сентябрда «Ордо оюну» мелдеши Ван облусундагы Эржиш районунун Улупамир конушу, Стамбул, Малатия, Йенифакылы, Гөлбашы жана Чубуктун ортосунда өткөрүлөт. Мен өзүмдүн жана биздин Биримдиктин атынан турнирге колдоо көрсөтүүчү бардык мекеме -уюмдарга, өзгөчө Курт үй -бүлөсүнө ыраазычылык билдирем. Биздин турнирге бардык көрүүчүлөр чакырылат! Көрүү үчүн келген конокторубузга байыркы маданиятыбызды эстетүү менен, биз алардын жагымдуу күнгө ээ боло турганына ишенебиз.

«Бул учурда мэрибиз Рамазан Шимшек мырзадан сураныч болот. Бул жолугушууга байланыштуу, биз мэрибизге жана муниципалитеттин бардык ассамблеясына байыркы Ата оюнубуз болгон Ордо оюнун ойногонго аракет кылып жаткан бир туугандары үчүн жээкте ылайыктуу жерде оригиналдуу «ОРДО ОЮН ТАЛААСЫН» курдуруп берүүнү сунуштайбыз.

Биз бул өтүнүч аткарыларына ишенип, Кыргызстандагы адамдарга «Ордо оюну» долбоорун тарттырдык. Муниципалитет башчыбызга келип, долбоорубузду аларга тезирээк сунуштайбыз деп үмүт кылабыз», деген сезимдерин билдирди ал.

Курт үй -бүлөсүнүн атынан Башкент платформасы, Эл аралык Жарандык демилге гезитинин концессиясынын ээси, ишкер Атиллахан Курт өз сөзүндө, «Көзү өткөн атамдын атынан өткөрүлө турган бул байыркы Ордо оюну турнири мени жана Курт үй -бүлөсүнүн сезимин ойготту. Мындай программаны уюштурган Кыргыз түрктөрүнүн маданият жана тилектештик биримдигине жана Гөлбашы муниципалитетине, Кыргыз Республикасынын Элчилигине ыраазычылык билдирем»,-деди.

Гөлбашы муниципалитетинин вице-мэри Огуз Каган Танрыверди: «Бүгүн биз баарыбыз бирге Ордо оюну турниринин алдында Ордо оюнун ойноп көрөбүз. Ордо оюнунун турнирин эң жакшы түрдө өткөрөбүз деп үмүттөнөбүз. Урматтуу башчыбыз Рамазан Шимшектен салам жана бул программага салым кошкондорго рахмат айтам»,-деди.

Программа демөөрчү компаниялар жасаткан формаларды тапшыруу, Биримдиктин атынан уюштурулган ыраазычылык сертификаттарын берүү, Ордо оюнун ойноп көрсөтүү жана эстеликке сүрөткө түшүү менен аяктады.

 

 

Турецкий